Agtuloy latta ti Public Transport Modernization Program (PTMP), dati Public Utility Vehicle Modernization Program (PUVMP), iti laksid ti kiddaw dagit mammanday-linteg nga isardeng pay laeng ti pannakaipatungpal daytoy.
Daytoy ti impasigurado ti Land Transportation and Franchising Regulatory Board (LTFRB) kadagiti drayber ken opereytor a nalpasen a nag-consolidate para iti PTMP.
Segun ken ni Chairperson ti LTFRB Teofilo Guadiz III itay Agosto 1, 2024, agtultuloy ti PTMP aginggat' awan ti bilin ni Presidente Ferdinand Marcos Jr. ken ti Department of Transportation (DOTr) nga isardeng ti implementasion ti programa.
Idi Hulio 31, impila dagiti 22 a Senador ti resolusion nga agkidkiddaw iti pannakasuspinde ti PTMP gapu iti nadarasudos ken di naplano a pannakaipatungpal daytoy.
COC ni Doc Willie Ong a para senador, impila ti asawana
Kinuna ni Guadiz a raemenna ti resolusion nga impila ti Senado a mangpaspasardeng iti PTMP.
Kinuna ni Guadiz a ti PTMP ti pamuspusan ti gobierno iti lumanlanlan a parikut iti transportasion. (Jel Santos/Manila Bulletin//Lito Hilidon/Bannawag)
