Saan a malapdan ti gobierno ti Filipinas ti International Criminal Police Organization (Interpol) a mangipatungpal iti arrest warrant nga ipaulog ti International Criminal Court (ICC) maibusor iti Filipino a suspek iti "panangpapatay" bayat ti operasion kontra iti ilegal a droga iti napalpalabas.
Inlawlawag ni Secretary ti Department of Justice (DOJ) Jesus Crispin C. Remulla itay Agosto 1, 2024 a karbengan ti Interpol nga ipatungpal ti warrant of arrest nupay immikkaten ti Filipinas iti ICC idi 2019.
Ti Filipinas ket kameng ti Interpol ket adda opisinada iti pagilian.
Innayon pay ni Remulla a saanda a kasapulan ti visa no sumrekda iti Filipinas.
Mangnamnama ni Marcos iti pannakaisubli ti panangipateg ni Pinoy iti arte a Filipino
Kinuna ni Remulla saan a mabalin a lapdan ti Filipinas ti Interpol, malaksid no adda paglintegan mainaig iti daytoy, ngem aglabsing ti Filipinas iti internasional nga obligasionna no aramidenna dayta. (Jeffrey Damicog/Manila Bulletin//Lito Hilidon/Bannawag)
