23.8-milion ti nagenrol para iti SY 2024-2025, segun iti DepEd-Bannawag

Immabot iti 23.8 a milion nga estudiante ti nagenrol kadagiti para publiko ken pribado nga eskuela kabayatan ti maikadua a lawas dagiti klase para iti School Year (SY) 2024-2025, segun iti Departamento ti Edukasion (DepEd).

Iti report ti DepEd idi Agosto 5, 2024, agtultuloy ti ingangato ti enrollment para iti daytoy nga school year iti laksid ti pannakaisanud ti panaglukat ti 42 nga eskuela kadagiti lugar a naapektaran ti bagyo ken layus, partikular kadagiti eskuela iti Schools Division Office ti Malabon City iti National Capital Region (NCR).

Iti rekord ti Enrollment Monitoring Report for SY 2024-2025 ti DepEd, addan aganay a 23,845,025 a nagenrol. Ibagian daytoy ti 86.01 a porsiento ti target enrollment a 27,722,835 para iti daytoy nga school year.

Segun pay iti datos ti DepEd, 20,859,109 nga estudiante ti nagenrol iti public schools, idinto a 2,666,903 met ti nagenrol iti private schools.

Immabot met iti 280,736 dagiti nagenrol para iti Alternative Learning System (ALS).

Dagiti estudiante iti elementaria ti kangatuan iti bilang dagiti nagenrol, nga immabot iti 13,234,374; sinaruno ti Junior High School (JHS) nga addaan iti 7,011,942 a nagenrol; ken Senior High School (SHS) nga addaan iti 3,317,973.

Ti met rehion ti Calabarzon (Cavite, Laguna, Batangas, Rizal, ken Quezon) ti kangatuan iti bilang dagiti nagenrol, nga addaan iti 3,464,861; simmaruno ti Central Luzon nga addan iti 2,528,831; ken ti NCR, nga addaan iti 2,721,998.

Iti napalabas a SY 2023-2024, immabot iti 27,693,125 dagiti nagenrol. (Merlina Hernando-Malipot/Manila Bullettin)

Magatang ti Bannawag kadagiti sukiyo nga aglaklako iti pagiwarnak ken magasin.

Para iti subskripsion, ag-email iti [email protected]. Para iti dadduma pay a detalye, kontaken ti Circulation Department iti 8527-8121 Loc. 369, wenno iti CP No. 09567620852.

Mabalin pay a magatang ti Bannawag iti

Shopee: http://bit.ly/Bannawag-Shopee

Lazada: http://bit.ly/Bannawag-Lazada

Para iti digital a kopia:

PressReader: http://bit.ly/3n83kNQ

Magzter: http://bit.ly/407pazG

Para kadagiti kompleto a sarita, nobela, daniw, salaysay ken dadduma pay, bisitaen ti opisial a website ti Bannawag iti https://bannawag.ph

Laglagipenyo koma met, kakailian, nga ag-join/i-follow (ka)dagiti official a social media account/page/group ti Bannawag,

iti Instagram: https://www.instagram.com/bannawagmagazine

iti Twitter: https://twitter.com/BannawagMagasin

Facebook Page: https://www.facebook.com/BannawagMagasin

Facebook Public Group: https://www.facebook.com/groups/bannawag.magazine