Imballaag ni Secretary ti Department of Informational and Communications Technology (DICT) Ivan John Uy itay Agosto 5, 2024 a mabalin a maaramat ti artificial intelligence (AI) ken deepfake a teknolohia a pangallilaw kadagiti botante inton eleksion 2025.
Segun ken ni Uy, awan duadua nga aramaten dagiti kandidato dagitoy a teknolohia tapno masinunuo ti panangabakda iti eleksion.
Kinuna ni Uy a saan laeng nga impormasion ti mabalin a maiwaras iti social media, no di ket pay ti parbo wenno di umisu nga impormasion.
Binabalawna pay ti kinakurang dagiti paglintegan, rekursos, ken pondo tapno maatipa ti pannakaaramat ti teknolohia a mangaramid ken mangiwaras iti parbo nga impormasion iti social media ken iti pribado a chat group a kas iti Viber.
COC ni Doc Willie Ong a para senador, impila ti asawana
Kinuna ni Uy a gapu iti kinakurang ti pondo a mangtaming iti pangta ti cyberattack ken panangwaras iti parbo nga impormasion iti internet, naglusulos dagiti taoda iti DICT cyber security group. (Raymund Antonio/Manila Bulletin//Lito Hilidon/Bannawag)
