Dimmar-ay dagiti nadumaduma a transport group iti "unity walk" manipud Welcome Rotonda iti Quezon City agingga iti Mendiola, Manila itay Agosto 5, 2024, kas panangsuportarda iti Public Utility Vehicle Modernization Program (PUVMP).

Agtultuloy latta ti pannakaipatungpal ti Public Transport Modernization Program (PTMP), dati a PUV Modernization Program (PUVMP), idinto a saan nga inanamongan ni Presidente Ferdinand R. Marcos Jr. (PBBM) ti pannakaipasardeng daytoy.

Iti maysa nga interbiu iti Pampanga itay Agosto 7, 2024, kinuna ni Presidente Marcos a dina inanamongan ti pannakaipasardeng ti PTMP ta saan met a dinadarasudos ti pannakaipatungpal daytoy, ken naminpiton a naitantan.

Itay kallabes, 22 a Senador ti nagpirma iti resolusion a mangipaspasardeng iti PTMP.

Impaganetget ni PBBM nga inanamongan ti kaaduan (mayoria) ti PTMP, ket kasla ti kayat ti minoria ti matulok iti pannakapabaro ti sistema ti transportasion no maitantan manen ti programa.

Nasional
Mangnamnama ni Marcos iti pannakaisubli ti panangipateg ni Pinoy iti arte a Filipino

Mangnamnama ni Marcos iti pannakaisubli ti panangipateg ni Pinoy iti arte a Filipino

Imbatad ni PBBM a mapanen a 80 a porsiento dagiti nag-consolidate, isu a nasken a maipatungpal ti PTMP. (Betheena Unite/Manila Bulletin//Lito Hilidon/Bannawag)