Impakaammo ti Philippine Statistics Authority (PSA) itay Agosto 8, 2024 a rimmang-ay iti 6.3 a porsiento ti ekonomia ti pagilian iti maikadua a kuarter ti tawen.
Maibatay iti datos to PSA, kangrunaan a nangparang-ay iti ekonomia iti maikadua a kuarter ti 2024 ket ti sektor ti konstruksion (16.0%); paglakuan a pakiaw wenno tingi; panagpatarimaan iti lugan ken motorsiklo (5.8%); ken ti pinansial ken panagpaiseguro (8.2%).
Iti kasunganina, tinawen met a bumaba iti 2.3 a porsiento dagiti adda iti sektor ti agrikultura, panagtalon, ken panagkalap.
Kinuna ni Secretary ti National Economic and Development Authority (NEDA) Arsenio M. Balisacan a gandat ti gobierno nga ipatungpal dagiti polisia ken programa a mangpaadu ti apit ken mangikadakkel ti ganansia dagiti mannalon. (Xander Dave Ceballos/Manila Bulletin//Lito Hilidon/Bannawag)
