Indeklarar ni Presidente Ferdinand R. Marcos, Jr. ti Centennial Year ni Manlilikha ng Bayan (MB) Magdalena Gamayo manipud Agosto 13, 2024 agingga iti Agosto 12, 2025.
Naipaulog ti deklarasion babaen ti Proclamation No. 664 a mangsaluad ken mangitandudo iti laing ni Gamayo iti panagabel; iti kasta, mapagtalinaed a sibibiag ti tradisional nga industria ti panagabel.
Agtawenen iti sangagasut ni Gamayo a tubo ti Pinili, Ilocos Norte ken napadayawan a kas Manlilikha ng Bayan idi 2012.
Babaen daytoy a deklarasion, napusgan ti National Commission for Culture and the Arts (NCCA) a mangidaulo, mangurnos, ken mangimaton iti pannakarambak ti Centennial Year ni Gamayo, agraman dagiti gobierno lokal (LGU), non-government organization (NGO) ken ti pribado a sektor.
Mangnamnama ni Marcos iti pannakaisubli ti panangipateg ni Pinoy iti arte a Filipino
Maidagadag pay ti pannakiandingay dagiti amin nga ahensia ken instrumento ti nailian a gobierno, agraman dagiti korporasion, unibersidad ken kolehio a kukua ken imatmatonan ti gobierno, iti pannakarambak ti Centennial Year ni MB Magdalena Gamayo. (Betheena Unite/Manila Bulletin//Lito Hilidon/Bannawag)
