Impakaammo ni Secretary ti Department of Budget and Management (DBM) Amenah F. Pangandaman itay Agosto 12, 2024 a manayonan iti PhP3,024 ti sueldo dagiti mannursuro iti para iti publiko nga eskuela inton 2025.
Segun iti Executive Order (EO) No. 64 a naipaulog idi Agosto 2, maipangato ti sueldo dagiti empleado ti gobierno iti uppat a paset, ket maited ti umuna a paset ita a tawen, manipud Enero agingga Disiembre 2024.
Agbalinen a PhP30,024 ti Teacher I nga addaan iti Salary Grade 11 (PhP27,000) kalpasan ti maikadua a paset ti pannakaipatungpal ti salary standardization law.
Agnumar dagiti 360,000 a mannursuro iti panagngato ti sueldo. (Xander Dave Ceballos/Manila Bulletin//Lito Hilidon/Bannawag)
Nasional
