Mapan a 1,500 a katao ti nangabrasa kadagiti Filipino a nakisalip iti 2024 Paris Olympics iti naangay a Heroes' Parade itay Agosto 14, 2024.
Nasurok a 300 a kameng ti Manila Police District (MPD) ti nadutokan nga agbantay iti seguridad ti lugar.
Simmangpet dagiti Filipino nga atleta iti Malakanyang idi Agosto 13, ket pinasangbay ida ni Presidente Marcos Jr.
Rinaem ni Presidente Marcos dagiti Filipino nga atleta ta nangyalatda latta uray bassit wenno awan ti opisial a suporta ti gobierno kadakuada. Ngem sinaludsod ni Presidente kadagiti atleta no ania ti kasapulanda ken no ania ti mabalin nga aramiden ti gobierno tapno maitag-ay ti isports iti Filipinas.
COC ni Doc Willie Ong a para senador, impila ti asawana
Inyalat ti Filipinas dagiti dua a balitok a medalia iti gymnastics manipud ken ni Carlos Yulo, ken dua a bronse iti boxing manipud kada Aira Villegas ken Nesthy Petecio.
Gapu iti nagapuanan dagiti Filipino atleta iti Paris Olympics, inkumit ti Presidente a pasayaatenna ti kasasaad isports iti Filipinas. (Argyll Cryus Geducos/Manila Bulletin//Lito Hilidon/Bannawag)
