Imbatad ni Senate President Francis "Chiz" Escudero a saan a supiaten ti Senado ti Public Transport Modernization Program (PTMP) ti gobierno gapu iti Senate Resolution No. (SRN) 1096 a pinirmaan dagiti 22 a Senador.
Itay Agosto 14, 2024, makiuman ni Senador Escudero kadagiti daulo ti nadumaduma a grupo transportasion kas iti Pasang Masda, LTOP, ACTO, STOP&GO, UV express, ken BUSSINA, ket inlawlawagna ti panggep ti SRN 1096.
Kinuna ni Escudero a ti pannakasuspende ti PTMP ket agpaay laeng kadagiti drayber ken opereytor a di pay nakatungpal iti alagaden ti programa.
Innayon pay ni Escudero a kayatda laeng a maipatungpal ti PTMP iti umno, umisu, ken addaan umdas a tulong iti tunggal grupo a makonsolidar -- drayber man wenno opereytor.
COC ni Doc Willie Ong a para senador, impila ti asawana
Kinuna pay ni Escudero a saan koma a mapawilan wenno maideklarar a kolorum dagiti saan pay a nakatungpal.
Inawis met ni Escudero dagiti grupo a Manibela ken Piston tapno denggenna dagiti pakaseknanda. (Wilnard Bacelonia/PNA//Lito Hilidon/Bannawag)
