Kinompirmar ti Department of Health (DOH) itay Agosto 19, 2024 nga adda baro a kaso ti mpox iti Filipinas, kalpasan nga indeklarar ti World Health Organization (WHO) ti mpox a kas Public Health Emergency of International Concern (PHEIC).
Naduktalan a kinapet ti mpox ti maysa a di nainaganan a lalaki nga agtawen iti 33 nupay saan met a naggapu iti ballasiw-taaw.
Daytoy ti maikasangapulo a kaso ti mpox a napatalgedan iti laboratorio, a naipakaammo iti DOH idi Agosto 18.
Ti mpox, wenno dati a "monkeypox," ket maysa a sakit a gapuanan ti monkeypox virus nga umasping iti burtong (ngem saan unay a nakaro), ken immuna a nakita kadagiti sunggo idi 1958.
COC ni Doc Willie Ong a para senador, impila ti asawana
Nailanad ti umuna a kaso ti mpox iti tao sadiay Congo idi 1970.
Idi 2022, tapno saan unay a maipabasol kadagiti sunggo ti sakit a naiwaras kadagiti bao ken tao, binaliwan ti WHO ti nagan a monkeypox ket nagbalin nga mpox.
Ti naudi a kaso ti mpox iti Filipinas ket naipakaammo idi Disiembre 2023.
Kinuna ti DOH a manmano ti kaso ti mpox, ngem maimbagan ketdi dagiti kinapet ti sakit no mataripato dagitoy. (Merlina Hernando-Malipot/Manila Bulletin//Lito Hilidon/Bannawag)
