Nairingpas ti Department of Public Works and Highways (DPWH) dagiti dua a flood control project iti igid ti Magat River ti Nueva Vizcaya tapno masinunuo ti kinatalged dagiti lumugar ken dagiti sanikuada bayat ti napigsa a bagyo.
Naipasdek dagiti proyekto a pangkontrol iti layus iti ili ti Bagabag ken Quezon.
Aggatad iti PhP67.8 a milion ti pangkontrol iti layus ken pagnaan ti danum iti Kinacao Section ti Magat River iti Bagabag, nga addaan iti 320-metro nga slope protection a nagusar iti steel sheet piles, ken gabion spur dike.
Iti sabali a bangir, PhP47.9 a milion ti gatad ti Nalubbunan Flood Control Project iti Quezon, nga addaan iti 504-metro a konkreto a rubble revetment nga addaan iti angkla, tambak, matress, gabion ken spur dike.
Kinuna ni daulo ti 1st District Engineering Office ti DPWH Engr. Marifel Andes a dagiti kaipatpatakder a proyekto ket nairanta a mangikabassit iti peggad ti panaglayus a pangta kadagiti mula a pagay, mais, ken natnateng dagiti lumugar iti aglawlaw.
Ilocos Norte, agladladingit iti ipupusay ni Mark Dave Nicolas
Naponduan ti proyekto babaen ti Regular Infrastructure Program ti DPWH iti Fiscal Year 2023. (Benjamin Moses Ebreo/PIA NuevaVizcaya//Lito Hilidon/Bannawag)
