Inaprobaran ni Presidente Ferdinand R. Marcos Jr. itay Agosto 27, 2024 ti nayon a pondo ti programa ti Philippine Coconut Authority (PCA) para iti 2025.
Aggatad iti PhP1-bilion ti nayon a pondo para iti panagmula, ken PhP2.5-bilion para iti programa a panagpabasal ti PCA.
Maibatay iti Philippine Coconut Industry Development Plan 2024-2034 (PCIDP 2024-2034), panggep ti Philippine Coconut Industry (PCI) a makaimulada iti 100 a milion a puon ti niog iti entero a pagilian inton 2028.
Nabukel ti PCIDP tapno maparang-ay ti industria ti niog iti pagilian, idinto a kayat ti Presidente nga ti Filipinas ket agbalin a kangrunaan a paggapuan ti niog iti sangalubongan. (Betheena Unite/Manila Bulletin//Lito Hilidon/Bannawag)
Nasional
