Simmangladen ni Bagyo Enteng (internasional a nagan "Yagi") iti ikub ti Casiguran iti Aurora Province itay alas dos iti malem, segun iti Philippine Atmospheric, Geophysical and Astronomical Services Administration (PAGASA).
Kinuna ti PAGASA a pimmigsa pay ni Bagyo Enteng sakbay a simmanglad daytoy itay Septiembre 2, 2024 ket addaan iti kapigsa a 85 kilometers per hour (kph) iti asideg ti sentrona, ken pugso nga agingga iti 105 kph.
Kinuna ti PAGASA a mabalin nga agpaamianan-amianan a laud ti bagyo ket tuparenna ti Amianan a Luzon inton Septiembre 3.
Manamnama a rummuar ti bagyo iti Filipinas inton Septiembre 4. (Elallyn De Vera-Ruiz/Manila Bulletin//Lito Hilidon/Bannawag)
Nasional
