Imbilin ti Quezon City Regional Trial Court (RTC) ti pannakaipupok ni Pastor ti Kingdom of Jesus Christ (KOJC) Apollo C. Quiboloy ken dagiti kakaduana a naidarum, iti Quezon City Jail.
Iti pammilin nga impaulog ni QC RTC Branch 106 Judge Noel L. Parel itay Septiembre 9, 2024, binilinna ti Philippine National Police (PNP) a yakarda ni Quiboloy ken ni Cresente Canada iti New Quezon City Jail sadiay Bagong Silangan, QC; idinto a mayakar met da Jackielyn W. Roy, Ingrid C. Canada, ken Sylvia Cemanes iti Female Dormitory ti Quezon City Jail iti Diliman, QC.
Imbilin pay ti korte nga iparangda dagiti naidarum iti naituding nga arraignment inton Septiembre 13.
Ngem segun ken ni pannakangiwat ti PNP Col. Jean Fajardo, kiddawen ti Criminal Investigation and Detection Group (CIDG) iti QC RTC nga agtalinaed iti sidong ti PNP dagiti naidarum, kas imbilin met ti Pasig City RTC Branch 159.
Pakaisukatan ti Doliar iti Pisos iti Nobiembre 25, 2024
Iti sabali a bangir, kinuna met ti Department of National Defense (DND) a mangipila daytoy iti mosion iti Pasig City RTC a mangsupiat iti panagkiddaw ti kampo ni Quiboloy a mayakar daytoy iti pagpupokan ti AFP. (Jeffrey Damicog/Manila Bulletin//Lito Hilidon/Bannawag)
