Isingsingasing ti Committee on Appropriations (CA) ti Kamara a makissayan ti PhP1.293-a bilion ti PhP2.037-bilion a singasing a badiet ti Office of the Vice President (OVP) ni Bise Presidente Sara Duterte.

Daytoy ti impakaammo ni Senior Vice-Chairperson ti CA Marikina City 2nd District Dip. Stella Quimbo itay Septiembre 12, 2024.

Agarup 63 a porsiento ti maikkat iti badiet ti OVP a nailanad iti 2025 National Expenditure Program (NEP).

Kinuna ni Quimbo a ti naikkat a gatad ket maipan iti Department of Social Welfare and Development (DSWD) ken iti Department of Health (DOH).

PBBM, dumar-ay iti ASEAN Summit iti Laos

Inlawlawag ni Quimbo a singasing pay laeng daytoy, ket adda iti plenario ti Kamara ti pangngeddeng inton pagsasaritaanda ti PhP6.352-trilion a nailian a badiet. (Ellson Quismorio/Manila Bulletin//Lito Hilidon/Bannawag)