Mapapati nga adda disso iti ikub ti Philippine Offshore Gaming Operators (POGO) hub iti Porac, Pampanga a nakaipumponan dagiti bangkay dagiti ganggannaet, a gapu nga igangganetget ti Presidential Anti-Organized Crime Commission (PAOCC) a maipaayan iti search warrant tapno masukisokda ti nasao a hub, partikular kadagiti pasilidad ti Lucky South 99 iti nasao a hub.
Segun iti sumagmamano a saksi, naikali dagiti bangkay dagiti biktima a foreign nationals iti compound ti hub.
Kinuna met ni PAOCC Spokesperson Winston Casio a natakuatanda ti nadumaduma nga scam ken krimen a konektado iti Lucky South 99 kas iti love scam, panag-kidnap, pammapatay, panangparparigat (torture), sex trafficking, labor trafficking, ken money laundering.
Innayonna a gapu kadagitoy a kaso, mayuli ti darum kontra iti POGO iti Porac ken kasta metten iti POGO hub iti Bamban, Tarlac a naikalamikaman ti naikkat a mayor ti Bamban a ni Alice Gou.
COC ni Doc Willie Ong a para senador, impila ti asawana
Uray ti dati a presidential spokesman (ni dati a Presidente Rodrigo Duterte) a ni Harry Roque, nairaman iti kontrobersia maipanggep iti Lucky South 99 gapu ta mapapati a nagpaay daytoy a kas legal counsel ti Lucky South 99. (Raymund Antonio/Manila Bulletin)
