Saanen a masango ni Angelica Yulo ti sumagpaw kadagiti kontrobersia a pakainaigan ti barona a ni Olympian Carlos Yulo ken ti nobia daytoy a ni Chloe San Jose.
Itay napan a bulan (Agosto 2024), agpayso a linuktan ni Angelica ti barukongna maipanggep iti dida panagkinnaawatan ken Caloy bayat ti maysa nga online press conference. Ngem kalpasanna, kinunana a dinan kayat pay ti makisawsaw kadagiti patangan maipanggep kadagiti kontrobersia maipanggep iti barona.
Ketdi, inkeddeng ni Angelica nga ipamaysan ti imatangna iti negosio iti makan nga inyalnagna kalpasanna.Inawagan ni Angelica ti food business-na iti "Yulo'ves Food Haven by Angelica Yulo."
Nangrugi ti “love affair” ti ina ni Caloy iti makan babaen ti panaglakona iti longganisa itay napan a bulan. Iti umuna a lawas a panaglakona, nakaganansia iti PhP80,000.
PBBM, dumar-ay iti ASEAN Summit iti Laos
Agparparang nga in-inut a pagbalbalinen ni Angelica ti negosiona iti catering service babaen ti panangidiayana kadagiti nadumaduma a potahe a gagangay a maidasdasar kadagiti dadakkel a pasken. (Robert Requintana/ MANILA BULLETIN)
