Kinuna ti Philippine Atmospheric, Geophysical, and Astronomical Services Administration idi kalman, Septiembre 12, a mabalin a sumrek iti Philippine Area of Responsibility ti bagyo nga addaan iti international name a “Bebinca” itoy nga aldaw, Sept. 13, Biernes.
Idinto a sumsumrek pay laeng ni “Bebinca” iti Philippine area of responsibility (PAR), adda pay dua a bagyo a mapaspasimadan ti idadatengna iti pagilian iti umay a lawas.
Kinuna ni PAGASA Weather Specialist Benison Estareja nga apaman a sumrek dagitoy dua a bagyo iti PAR, maikkanda iti nagan a kas ”Ferdie” ken “Gener.”
Agingga idi alas 11 iti bigat iti kalman, Sept. 12, addan ni ”Bebinca” 1,975 a kilometro iti daya ti Tengnga a Luzon wenno 1,930 a kilometro iti daya ti Amianan a Luzon. Agpigsa ti angin daytoy iti 95 a kilometro iti kada oras iti tengngana ken agpigsa ti pugso ti angin daytoy iti 115 a kilometro iti kada oras, nga agturong iti amianan sa sumalpot iti West Philippine Sea.
Blazers, inatiwda ti Red Lions; kasangoda ti Cardinals iti NCAA finals
Kinuna ni Estareja a mabalin nga agbalin ni ”Bebinca” a bagyo sakbay pay a makastrek iti PAR. (MANILA BULLETIN)
