Indagadag ti Department of Health (DOH) itay Septiembre 12, 2024 ti panagtignay ti publiko a mangpaksiat kadagiti lamok tapno malapdan ti panagraira ti sakit a dengue bayat ti panawen ti tudtudo.

Segun iti paliiw ti DOH, ngimmato iti 25 a porsiento dagiti kaso ti dengue manipud Agosto 4 agingga Agosto 17 iti entero a pagilian, malaksid iti Mimaropa, Bicol, Zamboanga Peninsula, ken BARMM.

Kinuna ni Secretary ti DOH Teodoro J. Herbosa a nasken nga agtignay ti publiko tapno mataming ti yaadu ti kaso ti dengue ita a panawen ti tudtudo.

Maibatay iti datos ti DOH, mapanen iti 208,965 ti nailanad a kaso ti dengue sipud nangrugi ti tawen aginnga iti Septiembre 6. Nangatngato daytoy iti 68 a porsiento ngem idi napan a tawen.

PBBM, dumar-ay iti ASEAN Summit iti Laos

Napaliiw pay ti DOH a nababbaba ti Case Fatality Rate (CFR) wenno ti bilang ti natay gapu iti dengue, ita a tawen. (Merlina Hernando-Malipot/Manila Bulletin//Lito Hilidon/Bannawag)