Agtalinaed ni daulo ti Kingdom of Jesus Christ (KOJC) Apollo C. Quiboloy a maipupok iti Custodial Center ti Philippine National Police (PNP) iti Camp Crame, Quezon City gapu iti peggad iti seguridad.
Daytoy ti kinuna ti Department of Justice (DOJ) kalpasan a naiparang ni Quiboloy iti pangukoman ti Pasig City Regional Trial Court (RTC) Branch 159 itay Septiembre 13, 2024.
Segun ken ni Undersecretary ti DOJ Nicholas Felix L. Ty, sinupiat dagiti piskal ti gobierno ti kiddaw ni Quiboloy a ma-house arrest wenno maipan koma iti ospital.
Nagbanaganna, agtalinaed ni Quiboloy iti sidong ti PNP, idinto a mayakar dagiti uppat a kakaduana iti Pasig City Jail. (Jeffrey Damicog/Manila Bulletin//Lito Hilidon/Bannawag)
Nasional
