"Not guilty" ti insungbat ni daulo ti Kingdom of Jesus Christ (KOJC) founder Apollo C. Quiboloy bayat ti isasaklangda iti pangukoman ti Pasig City Regional Trial Court (RTC) gapu iti kasona a qualified trafficking in persons itay Septiembre 13, 2024.
Kasta met ti insungbat dagiti kakaduana a naidarum a da Cresente Canada, Jackielyn Roy, Ingrid Canada, ken Sylvia Cemanes.
Naidarumda a lima iti panaglabsing iti Section (a) of Republic Act (RA) 9208, wenno ti Anti-Trafficking in Persons Act of 2003.
Adda pay kaso ni Quiboloy iti Quezon City RTC ket naituding ti arraignment-na itoy met laeng nga aldaw (Septiembre 13). (Jeffrey Damicog/Manila Bulletin//Lito Hilidon/Bannawag)
