Agdagup iti PhP96 a milion ti gatad ti baro a ramit a pagtalon ken post-harvest facility ti naipaay kadagiti mannalon ti probinsia ti Quirino itay Septiembre 12, 2024.
Naipaay ti rise processing facility iti Diffun Saranay and Development Cooperative (DISADECO) a pagkamengan dagiti 2,320 a mannalon a mangtamtaming iti 3,502 nga ektaria ti taltalon.
Malaksid kadagitoy, addada pay naipaay a traktora, harvester, ken thresher kadagiti 13 a kooperatiba ken gunglo dagiti mannalon iti Quirino tapno makatulong iti pannakapabaro ti wagas ti panagtalon.
Indauluan ni Secretary ti DA Francisco “Kiko” Tiu Laurel Jr. ti pannakalukat dagiti pasilidad, ket pinsingkedanna ti tarigagay ti gobierno a mangpapigsa iti postharvest system ti pagilian. (Jel Santos/Manila Bulletin//Lito Hilidon/Bannawag)
