Kinompirmar ti GSIS a naaddaanda iti security breach, a nakaikompromisuan ti administration account ti maysa kadagiti test computer-da.
Segun iti nasao nga ahensia nga imatmatonan ti gobierno, naireport ti breach idi Huebes, Septiembre 12, iti alas 5:20 iti malem.
Ti naikompromiso a kompiuter ket maysa a test device a naglaon kadagiti dummy data ken naiddep a dagus apaman a natakuatanda ti pannakaserrek daytoy.
Idinto nga im-imbestigaranda pay laeng no kasano ti kakaro ti napasamak a breach, impanamnama ti GSIS kadagiti empleado, kameng ken pensionado ti ahensia a nagtalinaed a natalged dagiti impormasion mainaig kadakuada. (Manila Bulletin//Lito Hilidon/Bannawag)
