Ngimmato ti net satisfaction rating ti administrasion ni Presidente Marcos Jr. (PBBM) iti maikadua a kuarter ti 2024, segun iti surbey ti Social Weather Stations (SWS) a naipablaak idi Septiembre 13, 2024.
Maibatay iti resulta surbey, 62 a porsiento dagiti agkabannuag a Filipino ti napnek iti nagapuanan ti agdama nga administrasion, idinto a 22 a porsiento ti saan a napnek.
Nakaala ni PBBM iti kangatuan a grado a +52 (excellent) iti Metro Manila; grado a +48 (good) iti Balance Luzon; +32 (good) iti Visayas; ken +25 (moderate) iti Mindanao.
Naiwayat ti surbey ti SWS manipud Hunio 23 agingga iti Hulio 1 babaen ti rupanrupa nga interbiu iti 1,500 nga agkabannuag nga agtawen iti 18 agpangato iti entero a pagilian. (Ellalyn De Vera-Ruiz/Manila Bulletin//Lito Hilidon/Bannawag)
