Nadawat iti Supreme Court (SC) itoy a Lunes, Septiembre 16, nga ideklararna a maikontra iti Konstitusion ti resolution ti Commission on Elections (Comelec) a mangipalubos kadagiti nadutokan nga opisial ti gobierno nga agtalinaed iti posision bayat ti panagkandidatoda kas pannakabagi ti maysa a party-list.
Iti petision, kiniddaw ni Atty. Romulo B. Macalintal iti SC a pasardengenna ti Comelec a mangipatungpal iti Section II, Rule II ti Resolution No. 11045 ti Comelec a napetsaan iti Agosto 28, 2024.
Kuna ni Macalintal a ti probision ti nasao a resolusion ti Comelec kunaenna a “dagiti opisial ti publiko nga umawat iti nominasion kas pannakabagi ti maysa a party-list mabalinda ti agtalinaed iti posisionda uray immawatdan iti nominasion.”
Kunana a ti probision iti resolusion, labsingenna ti Section (4), Article IX-B ti Konstitusion ken mabalin a maaramat daytoy iti di umisu a pannakausar ti pondo ti publiko.
COC ni Doc Willie Ong a para senador, impila ti asawana
Iti panangipaulog ti Comelec ti nasao a resolusion, kinuna ni Macalintal a maikontra daytoy iti desision ti SC idi 2010 a nangikeddeng nga asino man a nadutokan iti takem-publiko agraman dagiti Armed Forces ken empleado dagiti korporasion a kukua ken imatmatonan ti gobierno, maibilangda nga ipso facto a nagikkat kalpasan a naipilada ti sertipiko ti kandidaturada. (REY PANALIGAN)
