Impatalged ti Department of Agriculture (DA) nga adda makaanay a suplay dagiti kangrunaan a taraon kas iti baboy, manok, baka, sibuyas, ken bagas iti iseserrek ti “ber” months.
Kinuna ni Assistant Secretary Arnel de Mesa ti DA a saan laeng nga adda makaanay a suplay dagitoy a taraon, mapresioanda pay iti umno gapu iti importasion ken iti nasayaat nga apit aglalo iti sibuyas iti napalabas a panagaapit.
“Napintas met ti suplaytayo iti bagas, lokal man wenno imported, iti laksid dagiti napasamak a kalamidad a nangrugi iti El Niño ken dagiti nagsasaruno a bagyo,” kinunana.
Segun ken ni De Mesa, nga agpapaay pay nga spokesperson ti DA, a nainkalintegan ti presio ti sibuyas ita nga agay-ayam iti PhP75 agingga iti PhP120 ti nalabaga, idinto a PhP100 agingga iti PhP120 ti puraw.
COC ni Doc Willie Ong a para senador, impila ti asawana
Kinunana pay a dida namnamaen a ngumina pay ti nalabaga a sibuyas ta immadu ti apit iti 40 porsiento iti napalabas a panagaapit. (Raymund Antonio/MANILA BULLETIN)
