Isagsaganan ti Philippine National Police (PNP) dagiti kaso a mabalin a maipila kontra kadagiti nangilemmeng ken ni daulo ti Kingdom of Jesus Christ (KOJC) Apollo Quiboloy idi sapsapulen dagiti autoridad daytoy.
Nangrugi a naglemmeng ni Quiboloy idi inruar ti korte ti Pasig City ti arrest warrant para iti di mapiansaan a kasona a qualified human trafficking ngem simmuko idi Septiembre 8 iti uneg ti solar ti KOJC.
Saan a ninaganan ni daulo ti PNP Gen. Rommel Marbil dagiti mabalin a maidarum iti kaso nga obstruction of justice, ken narugianen ti imbestigasion maipanggep iti daytoy.
Kinuna ni Marbil a saan koma a naliklikan ni Quiboloy dagiti polis no saan a tinulongan dagiti kakomplotna, agraman dagiti legal a pannakabagina a nangyaw-awan kadagiti autoridad iti pudno a yan ni Quiboloy. (Aaron Recuenco/Manila Bulletin//Lito Hilidon/Bannawag)
