Binilin ni Presidente Ferdinand Marcos Jr. (PBBM) dagiti puersa ti gobierno a nasken nga ipakitada latta ti kaadda ti Filipinas iti West Philippine Sea (WPS) kalpasan a pimmanaw ti BRP Teresa Magbanua (MRRV-9701) iti Escoda Shoal.
Kinuna ni pannakangiwat ti National Maritime Council (NMC) Alexander Lopez itay Septiembre 16, 2024, a mangipan ti Philippine Coast Guard (PCG) iti baro a mangwanawan iti WPS, kas imbilin ti Presidente.
Segun ken ni Lopez, umdasen ti maysa a barko a mangwanawan, saan laeng nga iti Escoda Shoal, no di ket iti entero a WPS, ta mainayon dagiti kameng ti Armed Forces of the Philippines (AFP) ken Philippine Navy (PN) iti puersada.
Inlawlawag ni Lopez a nupay pimmanaw ti BRP Teresa Magbanua iti Escoda Shoal, dina kaipapanan nga insuko metten ti Filipinas ti kalintegan daytoy iti WPS. (Argyll Cyrus Gergucos/Manila Bulletin//Lito Hilidon/Bannawag)
