Panggep ti House Committee on Good Government and Public Accountability (ti "Blue Ribbon Committee" ti Kamara) nga imbestigaren ti pannakagastos ti badiet ti Office of the Vice President (OVP) inton Septiembre 18, 2024.
Iwayat daytoy ti House Committee on Good Government nga idadauluan ni Diputado ti Manila 3rd district Joel Chua, bayat a a maar-aramid ti debate iti plenario maipanggep iti House Bill (HB) No.10800 wenno ti singasing a PhP6.352-trilion a nailian a badiet para iti 2025.
Kinuna ni Chua a nagbiddut ti Bise-Presidente no ipagarupna nga awan ti mabalin a mangsupiat kenkuana wenno mangimtuod mainaig iti badiet ti opisinana, idinto a kuarta dagiti umili daytoy. (Ellson Quismorio/Manila Bulletin//Lito Hilidon/Bannawag)
