Impakdaar ti Philippine Atmospheric, Geophysical and Astronomical Services Administration (PAGASA) ita, Septiembre 16, 2024 ti nadawel a tiempo kadagiti dadduma a paset ti Luzon no agdisso ni Bagyo "Gener" iti Isabela wenno Aurora iti las-ud ti 24 oras.

Agpigsa ti angin daytoy iti 45 a kilometro iti kada oras iti tengngana ken agpigsa ti pugso ti angin daytoy iti 55 a kilometro iti kada oras, nga agturong iti laud iti kapardas a 10 a kilometro iti kada oras.

Nasaripatpatan ti sentro ti bagyo iti 315 a kilometro iti daya-amianan a daya ti Casiguran, Aurora.

Naipan iti Tropical Cyclone Wind Signal (TWCS) No. 1 iti daya ken sentro ti Cagayan, Isabela, Quirino, daya a paset ti Nueva Vizcaya, daya ken abagatan a paset ti Apayao, Kalinga, daya ken sentro ti Mountain Province, Ifugao, Aurora, daya a paset ti Nueva Ecija, ken ti amianan a paset ti Quezon, agraman ti Polillo Islands.

Malakanyang, mangiruar iti PhP25-M para kadagiti naapektaran iti bagyo iti Batanes

Manamnama a rummuar ni Gener iti Filipinas inton Septiembre 18. (Ellalyn De Vera-Ruiz/Manila Bulletin//Lito Hilidon/Bannawag)