Sisasaganan ti Kamara a mangipasa iti maikatlo ken maudi a pannakaibasa ti gakat a modernisasion ti Philippine Coast Guard (PCG) kalpasan a maaprobaran daytoy iti maikadua a pannakaibasana idi Septiembre 11, 2024.
Segun ken ni Diputado ti ACT-CIS Party-list Erwin Tulfo a nangputar iti House Bill (HB) No.10841, panggep daytoy a pasayaaten ti organisasion ken operasion ti PCG, tapno ad-adda a makatungpal iti pagrebbenganna a mangsalaknib iti kinatalged iti baybay.
Patien ni Dip. Tulfo a babaen ti HB No.10841, ad-adda a bumileg ti PCG gapu iti pannakaipaay iti moderno nga alikamen, napimpintas a pannakasanay dagiti taona, ken nasaysayaat a pondo daytoy. (Ellson Quismorio/Manila Bulletin//Lito Hilidon/Bannawag)
