Manamnama a rummuar ni Bagyo Gener iti Philippine Area of Responsibility (PAR) iti las-ud ti 24 oras, ken kabayatanna, mabalin met a sumrek ti Bagyo "Pulasan" iti PAR, segun iti Philippine Atmospheric, Geophysical and Astronomical Services Administration (PAGASA) itay Septiembre 17, 2024.
Kinuna ti PAGASA a manamnama a rummuar ni "Gener" iti West Philippine Sea iti daytoy a Septiembre 18 kalpasan ti ilalabas daytoy iti amianan a Luzon.
Nasaripatpatan ti sentro ni "Gener" iti Kibungan, Benguet itay 10:00 ti agsapa (Septiembre 17).
Agtalinaed iti Tropical Cyclone Wind Signal (TWCS) No. 1 iti Cagayan agraman Babuyan Islands, Isabela, Quirino, Nueva Vizcaya, Apayao, Kalinga, Abra, Ifugao, Mountain Province, Benguet, Ilocos Norte, Ilocos Sur, La Union, Pangasinan, Zambales, Tarlac, Nueva Ecija, ken Pampanga. (Ellalyn De Vera-Ruiz/Manila Bulletin//Lito Hilidon/Bannawag)
