Naibayog ti Tropical Cyclone Wind Signal (TWCS) No. 1 iti 24 a lugar iti Amianan a Luzon ken dadduma a paset ti Luzon ita nga aldaw, Septiembre 17, 2024, bayat a nagdisso ni Bagyo Gener iti sakup ti Palanan, Isabela itay rabii ti Lunes, Septiembre 16.
Segun iti kaudian a pakaammo ti Philippine Atmospheric, Geophysical and Astronomical Services Administration (PAGASA), adda iti Alicia, Isabela ti sentro ti bagyo.
Nagtalinaed ti pigsa ni Gener a 55 a kilometro iti tunggal oras iti asideg ti sentrona ken ti pugsona a 70 kilometro iti kada oras ket agtartaray iti kapardas a 30 a kilometro iti kada oras.
Adda iti TWCS NO. 1 dagiti lugar ti Cagayan, agraman ti Babuyan Islands, Isabela, Quirino, Nueva Vizcaya, Apayao, Kalinga, Abra, Ifugao, Mountain Province, Benguet, Ilocos Norte, Ilocos Sur, La Union, Pangasinan, Zambales, Tarlac, Nueva Ecija, Pampanga, Bulacan, amianan ken sentro ti Bataan, Aurora, amianan a paset ti Quezon agraman ti Polillo Islands, amianan a paset ti Rizal, ken ti amianan a paset ti Metro Manila. (Ellalyn De Vera-Ruiz/Manila Bulletin//Lito Hilidon/Bannawag)
