Nagpapatang dagiti opisial ti Department of Education (DepEd) ken ti World Bank Philippines itay Septiembre 16, 2024, tapno tratarenda dagiti mabalin a maaramid tapno marisut ti kangrunaan a parikut ti edukasion iti pagilian.
Indauluan ni Secretary ti DepEd Sonny Angara ti panagtataripnong dagiti opisial ti DepEd ken dagiti opisial ti World Bank a da Zafer Mustafaoglu (Country Director ti World Bank para iti Filipinas, Malaysia, ken Brunei); ken Alberto Rodriguez (Regional Director ti World Bank Human Development, East Asia and Pacific Region).
Kinuna ni Sekretario Angara a ti digitalisasion ti maysa a nasken a maipangruna tapno mataming ti parikut iti rekursos iti panagadal iti sistema ti pamunganayan nga edukasion (basic education).
Panggep pay ti ahensia nga ipakat ti desentralisado a pannakaipatungpal dagiti nadumaduma a programa ti DepEd. (Merlina Hernando-Malipot/Manila Bulletin//Lito Hilidon/Bannawag)
