Indagadag dagiti daulo ti Committee on Appropriations kadagiti kakaduada iti Kamara a maipangruna koma a maipaaprobaran ti singasing a PhP6.352-T a nailian a badiet para iti 2025.
Itay Septiembre 16, 2024, pormal nga inyendorso da Diputado ti Ako Bicol Party-list Zaldy Co ken Senior Vice Chairperson Marikina City 2nd district Dip. Stella Quimbo ti House Bill (HB) No. 10800, wenno ti General Appropriations Bill (GAB), iti plenario.
Maipangpangruna iti singasing a badiet ti pannakapadur-as ti tao ken ti gimong, pannakapataud dagiti panggedan, ken pannakapasayaat ti empraestruktura ken ti pannakaimanehar ti pagilian.
Mairaman met iti singasing a badiet dagiti programa ni Presidente Marcos Jr. a kas iti pannakaipatakder dagiti specialty hospital, pannakapaadda ti umdas a taraon, ken panakabangon dagiti balay para kadagiti marigrigat. (Dexter Barro II/Manila Bulletin//Lito Hilidon/Bannawag)
