Asino ti agkuna a saan nga "in aid of legislation" ti ar-aramiden ti Quad-committee (quad-comm) ti Kamara?

Daytoy ti kinuna ni Diputado ti Batangas 2nd district Gerville "Jinky Bitrics" Luistro a nangibinsabinsa no ania dagiti paglintegan ti nasirarakanna a nasken a repasuen ti Kongreso, maibatay iti natakuatan dagiti diputado iti quad-comm.

Insingasing ni Dip. Luistro a marepaso koma ti Republic Act (RA) No.3019, wenno ti Anti-Graft and Corrupt Practices Act; ti RA No.6713, wenno ti Code of Conduct and Ethical Standards for Public Officials and Employees; ti RA No.9160, wenno ti Anti-Money Laundering Act; ken ti RA No.11232, wenno ti Revised Corporation Code.

Innayon ni Luistro a nasken a marepaso koma met ti Code of Professional Responsibility and Accountability (CPRA) nga agpaay kadagiti abogado, a rumbeng nga aramiden koma met ti Korte Suprema.

Malakanyang, mangiruar iti PhP25-M para kadagiti naapektaran iti bagyo iti Batanes

Ni Luistro ti kangrunaan a mangpalpalutpot kada Cassandra Ong, Royina Garma, Alberto Rodulfo "AR" dela Serna, ken Atty. Harry Roque.

Ti quad-comm ti mangim-imbestigar iti makunkuna nga agkakanaig nga isyu ti Philippine Offshore Gaming Operators (POGO), ilegal a droga, money-laundering, ken dagiti extra-judicial killing (EJK) bayat ti panagakem ni dati a Presidente Rodrigo Duterte. (Ellson Quismorio/Manila Bulletin//Lito Hilidon/Bannawag)