Imbilin ni Gen. Rommel Francisco Marbil, hepe ti Philippine National Police (PNP), iti daytoy nga aldaw, Sept. 17, 2024, ti pannakabukel dagiti specialized teams a manganup ken ni dati a presidential spokesperson Harry Roque kalpasan ti panangipaulog ti House of Representatives iti maysa nga arrest warrant para iti pannakatiliw ti abogado.

Kinuna ni Marbil a mairaman kadagiti specialized teams ti tracker units nga idauluan ti Criminal Investigation and Detection Group (CIDG) ken aramatenda ti arrest order manipud iti Lower House, kangrunaanna ti Quad-Committee a mangim-imbestigar iti gubat kontra droga ken iti Philippine Offshore Gaming Operator (POGO).

Sakbayna, napan ti CIDG iti dua a naipakaammo nga adres ni Roque iti Metro Manila ngem dida nasarakan ti abogado, a mainanaig kadagiti illegal POGOs.

Naibilin ti pannakatiliw ni Roque gapu iti dina panagparang iti bista iti Kamara, ken iti dina panangidatag kadagiti kasapulan a dokumento agraman ti Statement of Assets, Liabilities and Net Worth (SALN) daytoy ta kayat dagiti agpampanday-linteg a lawlawaganna koma ti kellaat nga idadakkel ti kinabaknang daytoy.

Malakanyang, mangiruar iti PhP25-M para kadagiti naapektaran iti bagyo iti Batanes

Malaksid iti PNP, mairaman kadagiti mangan-anup ken ni Roque ti National Bureau of Investigation, ken ti Bureau of Immigration. (AARON RECUENCO/ MANILA BULLETIN// CLES RAMBAUD/BANNAWAG)