Impanamnama ti Department of Justice (DOJ) iti daytoy nga aldaw, Martes, Sept. 17, 2024, a mapagawid iti Filipinas ni napatapuak a Negros Oriental 3rd District
“Kasapulan dagiti biktima ti hustisia,” kinuna DOJ Secretary Jesus Crispin C. Remulla iti maysa a pakaammo daytoy ken nangipatalgedanna nga awan ti makabangen iti pannakapagawid ni Teves iti Filipinas manipud iti Timor-Leste a yanna ita.
Sisasango ni Teves, nga imbilang ti Anti-Terrorism Council (ATC) a terorista sipud pay idi Hulio itay napan a tawen, iti nadumaduma a darum iti Filipinas agraman ti naka-pending iti Manila Regional Trial Court (RTC) Branch 51 para iti 10 counts ti murder, 12 counts ti frustrated murder, ken four counts ti attempted murder gapu iti pammaltog idi Marso 4, 2023 iti Pamplona, Negros Oriental a nakatayan ti 10 a tao a pakairamanan ti gobernador ti probinsia a ni Roel Degamo. Nangipaulog met ti korte iti arrest order kontra ken ni Teves.
Adda pay agur-uray a darum kontra iti napatapuak a diputado gapu iti pannakapapatay ti tallo a tao idi 2019. (JEFFREY DAMICOG/MANILA BULLETIN// Cles Rambaud/Bannawag)
