Kapilitan a rimmuar dagiti empleado ti Department of Foreign Affairs (DFA) iti Pasay City iti opisinada kalpasana a makaawatda iti pangta iti mabalin a pannakabomba ti pasdek itay agsapa ti Septiembre 17, 2024.

Segun ken ni hepe ti Pasay City Police Col. Samuel Pabonita, immarayat a dagus dagiti kameng ti Special Weapon and Tactics (SWAT) ken ti Explosive Ordinance Disposal (EOD) idi maawatda ti report. Naideklarar dagiti autoridad nga awan ti bomba iti lugar itay 8:00 ti bigat.

Kinuna dagiti imbestigador a nakaawat dagiti empleado iti pangta nga adda bomba manipud iti Philippine Embassy iti Canada babaen ti email, ket pinakdaaranda a dagus dagiti kameng ti DFA.

Madama ti imbestigasion dagiti polis.

Malakanyang, mangiruar iti PhP25-M para kadagiti naapektaran iti bagyo iti Batanes

(Jean Fernando//Manila Bulletin//Lito Hilidon/Bannawag)