Binallaagan ti Department of Migrant Workers (DMW) ti publiko itay Septiembre 17, 2024, maipanggep iti palso a trabaho iti ballasiw-taaw a maipaspaskil iti social media.
Segun ken ni Secretary ti DMW Hans Leo Cacdac, us-usaren dagiti paskil ti nagan, adres, ken logo dagiti lehitimo ken lisensiado nga ahensia tapno makaallukoyda iti biktimaenda.
Impakdaar ni Cacdac a ti nasakbay a panagbayad para iti pannakaiproseso babaen ti electronic transfer, ket maysa a pagilasinan ti scam, kasta met ti pannakisinnarak iti sabali a lugar, a saan ketdi nga iti opisina ti ahensia.
Maibatay iti datos ti DMW, inikkat ti Meta Philippines ti agdagup ti 23,731 kadagiti 24,398 a social media account ken paskil a mangididiaya iti palso a trabaho iti ballasiw-taaw idi Agosto daytoy a tawen.
Ilalaka ti presio dagiti serbisio ken magatgatang, bimmaba iti 1.9% idi Septiembre
Balbalakadan ti DMW ti publiko nga agridam ken ipulong a dagus ti ania man a mapagduaduaan nga ilegal nga online recruitment iti DMW Migrant Workers Protection Bureau official, babaen iti email [email protected] wenno iti Facebook page https://www.facebook.com/dmwairtip. (Marita Moaje/PNA//Lito Hilidon/Bannawag)
