Dimmar-ay ni Bise Presidente (BP) Sara Duterte iti panagpalutpot ti Committee on Good Government and Public Accountability ti Kamara ita, Septiembre 18, 2024, maipanggep iti maatap a di umisu a panangaramat ti Office of the Vice President (OVP) iti pondo ti publiko.
Kinuna ni Duterte a ti ar-aramiden ti Kamara ket maysa a politikal a panangatakar ken pangrugian ti pannakaipila ti impeachment case maibusor kenkuana, a saan ket a maipanggep iti di umno a pannakaaramat ti pondo, wenno nasayaat a panangituray.
Nagtalinaed laeng ni Duterte a situtugaw bayat a nagsapata dagiti padana a naayaban a saksi ken resource person manipud iti Commission on Audit (COA), Department of Budget and Management (DBM), ken dagiti kameng ti OVP.
Nagkedked ni Duterte nga agsapata, ta kinuna a dagiti laeng saksi ti nasken nga agsapata idinto a resource person ti pangibilangan kenkuana ti Komite.
Ilalaka ti presio dagiti serbisio ken magatgatang, bimmaba iti 1.9% idi Septiembre
Kinarit pay ni Duterte dagiti kameng ti Kamara a no saanda a mapnek kadagiti intedna a dokumento, uray didan ik-ikkan iti badiet ti opisinana. (Raymund Antonio/Manila Bulletin//Lito Hilidon/Bannawag)
