Nagdudupudop dagiti bapor ti coast guard, navy, ken maritime militia ti China iti Escoda (Sabina) Shoal iti West Philippine Sea (WPS), kas impalgak ti Philippine Navy (PN) Septiembre 17.
Maibatay iti makalawas a panangwanawan ti PN manipud Septiembre 10 agingga 16, adda 157 a bapor ti China iti WPS, nababbaba ngem iti 207 a bilangda idi Septiembre 3 agingga 9.
Iti kaudian a panangwanawan ti PN, nasaripatpatanda ti 26 a barko ti China Coast Guard (CCG), pito a bapor a pakigubat ti People’s Liberation Army – Navy (PLA-N), 123 a barko ti Chinese maritime militia vessels (CMMV), ken maysa a Chinese research and survey vessel (CRSV) ti agdakdakiwas iti WPS.
Iti Escoda Shoal laeng, adda siam a bapor ti CCG, uppat a bapor a pakigubat ti PLA-N, ken 52 a barko ti CMMV.
Pakaisukatan ti Doliar iti Pisos iti Nobiembre 25, 2024
Adda pay bapor ti China iti Bajo de Masinloc, Ayungin Shoal, Pag-asa Island, Lawak Island, Panata Island, ken Iroquois Reef.
Inlawlawag ni pannakangiwat ti PN iti WPS Rear Adm. Roy Vincent Trinidad a bimassit dagiti bapor ti China gapu iti kinadawel ti panawen iti lugar, aglalo iti amianan a paset ti Kalayaan Island Group, ket dayta met ti gapuna a pimmanaw sadiay ti BRP Teresa Magbanua. (Martin Sadongdong/Manila Bulletin//Lito Hilidon/Bannawag)
