Kas panangrambak iti Family Week, sinuspende ti Malakanyang ti trabaho dagiti adda iti Ehekutibo inton Septiembre 23, 2024.
Segun iti Memorandum Circular No. 64 nga impaulog ni Presidente Marcos Jr., maisingasing ti pannakasuspende ti trabaho kadagiti dadduma pay nga ahensia ti gobierno, agraman ti pribado a sektor, tapno maikkan iti gundaway dagiti pamilia a Filipino a mangrambak iti 32nd National Family Week.
Saan a mairaman iti Memorandum Circular NO. 64 dagiti adda iti health sector, disaster and calamity responders, ken dadduma pay a mangipapaay iti kangrunaan a serbisio. (Betheena Unite/Manila Bulletin//Lito Hilidon/Bannawag)
Nasional
