Pimmanawen ni Bagyo Helen (internasional a nagan: "Pulasan") iti Philippine Area of Responsibility (PAR) idi malem-kalman, Septiembre 18, 2024.
Segun iti Philippine Atmospheric, Geophysical and Astronomical Services Administration (PAGASA), nasaripatpatanda ni Helen iti 930 a kilometro iti daya-amianan a daya ti amianan a Luzon, ken addaan iti kapigsa a 85 a kilometro iti tunggal oras iti asideg ti sentrona ken pugso a 105 a kilometro iti kada oras.
Nupay adayon ni Helen tii Filipinas, papigsaenna latta ti abagat a mangyeg iti bayakabak iti Zambales, Bataan, Occidental Mindoro, ken amianan ti Palawan.
Innayon ti PAGASA nga awan ti namnamaenda a sumrek a bagyo iti pagilian kadagiti masungad nga aldaw. (Ellalyn De Vera-Ruiz/Manila Bulletin//Lito Hilidon/Bannawag)
