Imparang dagiti kameng ti Kamara ti atapenda a di umisu a pannakaaramat iti PhP375 a milion a gatad ti confidential and intelligence funds (CIF) ti Office of the Vice President (OVP) idi 2023, kas dinillaw ti Commission on Audit (COA).
Impalagip ni Assistant Minority Leader ken Diputado ti 1-Rider Party-list Rodge Gutierrez, daydi eskandalo mainaig met laeng iti PhP125-milion a confidential fund ti OVP idi 2022, a dinillaw met laeng ti CoA ti nakaipanan ti PhP73.28 a milion daytoy.
Segun ken ni Dip. Gutierrez, ti panangdillaw ti CoA iti pondo ti OVP idi 2022 ken 2023 ket maysa a pagilasinan iti di umiso a pannakaaramat iti pondo.
Itay Septiembre 18, 2024, nagkedked ni Bise Presidente Sara Duterte a mangsungbat kadagiti saludsod maipanggep iti Audit Observation Memorandum (AOM) wenno ti Notice of Disallowance (ND) manipud ti CoA, kas iti napasamak iti confidential fund ti OVP idi 2022. (Ellson Quismorio/Manila Bulletin//Lito Hilidon/Bannawag)
