Inaprobaran ti Office of the President (OP) ti PhP2 a bilion a pondo a paggatang iti 1,000 nga ambulansia a maiwaras iti entero a pagilian itoy a tawen.
Daytoy ti impakaammo ni Presidente Ferdinand Marcos Jr. bayat ti pannakayawat ti 51 a patient transport vehicle (PTV) iti gobierno lokal ken para iti publiko nga ospital iti Western Visayas itay Septiembre 19, 2024.
Nayawat ti 51 a PTV babaen ti Medical Transport Vehicle Donation Program (MTVDP) ti Philippine Charity Sweepstakes Office (PCSO).
Aggatad iti PhP2.1 a milion ti maysa nga ambulansia nga addaan iti stretcher, oxygen tank, agraman blood pressure monitor, ken dadduma pay a ramit a pangagas. (Betheena Unite/Manila Bulletin//Lito Hilidon/Bannawag)
Nasional
