Insingasing ti maysa nga eksperto iti maritime law a masapul nga adda regular nga agpatrulia iti Escoda (Sabina) Shoal bayat ti panagsapul ti Filipinas iti dadduma pay a wagas ti panangtaming iti kasasaad iti West Philippine Sea (WPS).
Iti maysa nga interbiu, kinuna ni Direktor ti University of the Philippines Institute for Maritime Affairs and Law of the Sea Jay Batongbacal a masapul nga agtutuloy ti panangirupir ti Filipinas iti kalintegan daytoy a kas pagilian iti WPS, iti laksid ti pananglapped ti China.
Kinuna ni Batongbacal a daytoy laeng ti wagas a pangipakita ti Filipinas iti saanna a panagkurno iti China nupay nabilbileg daytoy.
Malaksid iti regular a panagpatrulia, insingasing pay ni Batongbacal a nasken a makibiang ti gobierno no agdakiwas ti bapor wenno adda ilegal nga aramiden ti China iti exclusive economic zone (EEZ) ti Filipinas. (Joyce Ann L. Rocamora/PNA//Lito Hilidon/Bannawag)
