Sangapulo ket maysa a tattao ti nadangran idi nabaliktad ti naglugananda a dyip a para pasahero kabayatan a sangsang-aten daytoy ti zigzag a paset ti kalsada nasional iti Sitio Kakaldingan, Barangay Lungog, Narvacan, Ilocos idi malem ti Septiembre 19.
Segun iti report ti polis, naggapu iti Abra ken agturong iti Narvacan ti nasao a dyip a manmanehuen ni Edson Javier, 42, ti Barangay Pantoc, San Quintin, Abra, idi madadaelan daytoy iti preno.
Napilitan ni Javier a nangipadungpar iti dyip iti konkreto a sagiped ti kalsada tapno saanda a maikaranukon iti derraas.
Nadunor ni Javier ken dagiti pasaherona ket naitarayda iti ospital. (Freddie Lazaro/MANILA BULLETIN)
Lokal
