Maysa a lalaki nga agtawen iti 21 ti natay iti iti aksidente ti motorsiklo iti Brgy. Bacar iti daytoy nga ili idi Septiembre 19.

Segun iti report ti polis, agnagan iti Patrick Jones D. Urayanza ti biktima.

Iti panangimbestigar dagiti polis, naammuan a naawanan ti biktima iti timon iti motorna idi adda daytoy kurbaan a paset ti kalsada ket nadungpar daytoy ti kutit ti naka-park a kuliglig iti abaga ti kalsada.

Naisuyo ni Urayanza iti maysa a konkreto nga alad ken nagsagaba iti nakaro a pannakadunor iti ulona ken nadumaduma a paset ti bagina.

Lokal

Ilocos Sur, Umuna a Puesto iti Regional SubayBAYANI Awards

Naitaray ti biktima iti ospital, a nakaideklararanna a pimmusay.

Segun pay iti polis, mapapati a nakainum ti biktima idi mapasamak ti aksidente. (Freddie Lazaro/MANILA BULLETIN)